Reglur og skilmálar

Robotar – sláttuvélar

• Ef sláttu-roboti færir bolta út stað, skal leggja bolta á upphaflegan stað (sem þarf að áætla ef hann óþekktur). Regla 9.6.

• Ef bolti á hreyfingu hittir sláttu-robota verður að leika honum þar sem hann liggur. Regla 11.1.

Lausn frá óeðlilegu ástandi vallar (þar á meðal óhreyfanlegum hindrunum). Regla 16.1a.

Eftirfarandi teljast óeðlilegt ástand vallar:

• Jarðfastir steinar á snöggslegnu svæði á almenna svæðinu.

• Fjarlægðarmerkingar, hælar, ruslafötur og skilti á almenna svæðinu.

• Göngubrú yfir glompu milli 5. og 6. brautar. Ef bolti liggur í glompu eða undir göngubrú skal hann látinn falla innan glompu.

Vítasvæði

• Á 5. braut er sjávarborð hverju sinni mörk vatnshindrunar.

• Þegar bolti leikmanns hefur ekki fundist eða það er vitað eða nánast öruggt að boltinn er út af má leikmaðurinn, í stað þess að taka fjarlægðarvíti, gegn tveimur vítahöggum taka lausn með því að láta upphaflega boltann eða annan bolta falla á lausnarsvæði (sjá reglu 14.3). Lausnarsvæði er þá annaðhvort þar sem upphaflegi boltinn er talinn hafa stöðvast eða farið út fyrir vallarmörk, eða á brautinni sem verið er að spila næst viðmiðunarpunkti þar sem bolti týndist eða fór út af, en þó ekki nær holu.

Vallarmörk innan vallar

• Æfingaflöt og vippsvæði næst klúbbhúsi, vinstra megin við holu 9, merkt með hvítum hælum, er út af.

Bætt lega í glompu, færa um lengd kylfugrips

• Þar sem hrífur hafa verið fjarlægðar úr glompu og ástand hennar er mjög ójafnt má leikmaður taka vítalausa lausn einu sinni áður en höggið er slegið, með því að leggja upphaflega boltann innan lengdar kylfugrips (ekki pútter) frá viðmiðunarstað. Takmarkanir: ekki nær holunni en viðmiðunarstaðurinn og verður að vera í glompunni.

Víti fyrir slæma umgengni

• Samkvæmt staðarreglu dæmist eitt högg í víti í hvert skipti sem kylfingar henda rusli á jörðina, s.s. nikótínpúðum og vindlingum.

• Sama á við ef kylfingar laga ekki bolta- eða kylfuför ef hægt er.

• Víti fellur niður ef menn bæta úr eða laga annað boltafar.

Klæðaburður

• Við förum fram á að gestir séu í almennt viðurkenndum golffatnaði eða „smart casual“ útivistarklæðnaði.

Reglur um slæmt veður og afbókanir

• Hópar sem hafa sérpantað fleiri en 4 rástíma þurfa að afpanta með 48 klukkustunda fyrirvara, annars verða þeir að greiða 50% gjald.

• Sá sem pantar rástíma er ábyrgur fyrir greiðslu.

• Vallarstjóri hefur heimild til að loka golfvelli vegna veðurs eða viðhalds og eiga þá afbókunarskilmálar ekki við. Klúbburinn mun reyna að finna nýjan tíma en ef það er ekki hægt er greitt vallargjald endurgreitt. Kylfingar eiga engar frekari kröfur vegna slíkra aðstæðna umfram útlagt greitt vallargjald.

• Að spila golf á frosinni jörð getur valdið skemmdum á grasinu. Vallarstjóri getur bannað leik þar til hitastig hefur hækkað. Ef ekki er hægt að endurskipuleggja rástíma síðar um daginn eða næstu daga verður endurgreiðsla boðin þeim sem hafa greitt vallargjald.

• Slæmt veður telst annaðhvort þegar gul viðvörun er fyrir svæðið (meira en 15 m/s) eða vallarstjóri lokar vegna veðurs.

Hegðunarreglur

• Golfarar skulu gæta að leikhraða (svo sem að undirbúa högg meðan aðrir eru að slá, ganga rösklega á milli högga og að næsta teig). Hægur leikur hefur áhrif á aðra golfara sem á eftir koma.

• Golfari á að slá golfhögg innan 40 sekúndna frá því að hann hefur möguleika á að slá án truflana frá meðspilurum eða þegar óhætt er vegna golfara á undan (og vanalega á styttri tíma).

• Iðkið sanngjarnan leik bæði á vellinum og utan hans.

• Vinsamlegast hendið ekki rusli.

• Vinsamlegast gætið varúðar meðfram ströndinni. Grýtt svæði geta verið hál.

• Vinsamlegast lagið kylfu- og boltaför.

• Skiljið ekki kylfur, kylfuhlífar eða annað, s.s. föt eða búnað, eftir á jörðinni. Sláttuvélmenni geta valdið skemmdum.

Skilmálar fyrir leigu á golfbílum

Með því að leigja golfbíl hjá Golfklúbbi Brautarholts samþykkir leigutaki eftirfarandi skilmála.

• 1. Ábyrgð og tjón. Leigutaki ber fulla bóta- og skaðabótaábyrgð á golfbílnum meðan á leigutíma stendur.

• Leigutaki ber fulla ábyrgð á öllu tjóni sem kann að verða á bílnum, velli eða þriðja aðila sem rekja má til gáleysis eða háskalegrar notkunar.

• Ef óhapp verður eða skemmdir koma í ljós á bílnum ber leigutaka að láta starfsfólk vita strax að loknum hring.

• 2. Skilyrði fyrir akstri. Stjórnandi þarf að vera að lágmarki 18 ára og hafa gilt ökuskírteini.

• Stranglega bannað er að stjórna golfbíl undir áhrifum áfengis eða annarra vímuefna. Sömu reglur gilda um akstur golfbíla og annarra vélknúinna ökutækja samkvæmt umferðarlögum.

• 3. Umgengni og akstursreglur. Hámarksfjöldi í hverjum bíl er tveir einstaklingar.

• Ávallt skal aka á stígum þar sem því verður við komið. Bannað er að aka á teigum, flötum og í kringum flatir (glompur/forflatir).

• Leigutaki skal fylgja öllum merkingum á vellinum og fyrirmælum frá vallarstarfsmönnum eða eftirlitsmönnum.

• 4. Skil á bíl. Leigutaki skal skila bílnum á tilgreindan stað við klúbbhúsið að loknum leigutíma og taka rusl og persónulega muni.

• 5. Brot á skilmálum. Golfklúbburinn áskilur sér rétt til að stöðva notkun bílsins fyrirvaralaust, án endurgreiðslu leigugjalds, ef leigutaki gerist brotlegur við ofangreindar reglur.

Siðareglur Golfklúbbs Brautarholts

Sem félagi í Golfklúbbi Brautarholts ætla ég:

• Ætíð að taka tillit til annarra golfspilara sem og starfsmanna vallarins.

• Laga bolta- og kylfuför og taka upp rusl.

• Sýna aldrei af mér ofbeldi, kynferðislega áreitni eða særandi hegðun.

• Tilkynna brot á siðareglum og alla kynferðislega áreitni eða ofbeldi.

• Leika af heiðarleika og samkvæmt golfreglum.

• Bera virðingu fyrir hæfileikum og getu annarra kylfinga.

• Forðast neikvæð ummæli og hafa ávallt stjórn á skapi mínu.

Stefna gegn einelti og kynbundnu ofbeldi

Öllum sem starfa hjá Golfklúbbi Brautarholts (GBR) eða taka þátt í starfi hans sem iðkendur eða sjálfboðaliðar skal tryggt öruggt umhverfi og virðing. Einelti, ofbeldi eða kynferðislegt áreiti er ekki liðið og getur varðað brottrekstrarsök.

• Ef starfsmaður eða félagsmaður upplifir einelti, ofbeldi eða kynferðislegt áreiti skal strax tilkynna það til framkvæmdastjóra eða formanns. Framkvæmdastjóri eða formaður skal bregðast við með því að ræða við aðila, reyna að finna lausn og veita viðvörun. Klúbburinn tekur öllum tilkynningum alvarlega.

• Ef vafi leikur á hvernig bregðast skuli við má leita til Samskiptaráðgjafa íþrótta- og æskulýðsstarfs. Einnig má hafa samband beint við lögreglu eða barnavernd í síma 112. (Uppfærðar tengiupplýsingar, sjá „Núgildandi leiðbeiningar“ hér að neðan.)

• Ef þolandi er lögráða skal sterklega hvetja viðkomandi til að kæra málið til lögreglu. Hringja í 112.

• Ef brotið er gegn ólögráða einstaklingi ber að tilkynna það til barnaverndar í síma 112.

Jafnréttis- og aðgerðaáætlun

• GBR skal stuðla að jöfnum tækifærum félagsmanna og vinnustaðurinn skal vera eftirsóknarverður þar sem jafnrétti og jafnræði kynjanna er virt í hvívetna.

• GBR skal veita kynjum jafnan aðgang að rástímum og æfingatímum. GBR mun kappkosta að hafa hæfa þjálfara og sambærilega aðstöðu og aðbúnað fyrir bæði kyn.

• Starfsmenn skulu njóta launa- og kjarajafnréttis óháð kyni.

• Við skipan í nefndir, ráð og stjórnir á vegum félagsins skal þess gætt að hlutfall kynja sé sem jafnast.